Новости проекта
Перенос и удаление уроков
Внесение изменений в личные данные
Голосование
Как часто Вы читаете книги?
Всего 33 человека

Правілы ўнутранага распарадку для навучэнцаў

Дата: 14 апреля 2018 в 12:37, Обновлено 24 ноября в 12:04

ЗАЦВЯРДЖАЮ

Дырэктар дзяржаўнай

установы адукацыі

“Княгінінская сярэдняя школа”

                        І.П.Прудніковіч

____________

ПРАВІЛЫ

ўнутранага распарадку для навучэнцаў

дзяржаўнай установы адукацыі “Княгінінская сярэдняя школа”

I. АГУЛЬНЫЯ ПАЛАЖЭННІ

1.1. Правілы ўнутранага распарадку для навучэнцаў (далей – Правілы) распрацаваны ў адпаведнасці з Кодэксам Рэспублікі Беларусь аб адукацыі (далей – Кодэкс), пастановай Міністэрства адукацыі Рэспублікі Беларусь ад 20.12.2011 № 283 “Аб зацвярджэнні Палажэння аб установе агульнай сярэдняй адукацыі”, Статутам дзяржаўнай установы адукацыі “Княгінінская сярэдняя школа” (далей – Установа) і іншымі нарматыўнымі прававымі актамі.

1.2. Правілы ўстанаўліваюць нормы паводзін навучэнцаў у будынку і на тэрыторыі Установы з мэтай удасканалення арганізацыі адукацыйнага працэсу, рацыянальнага выкарыстання навучэнцамі вучэбнага часу, умацавання дысцыпліны навучэнцаў, павышэння якасці адукацыі, выхавання павагі да асобы, развіцця культуры паводзін і навыкаў зносін.

1.3. Згодна з Правіламі ўсе навучэнцы маюць аднолькавыя правы і абавязкі, нясуць аднолькавую адказнасць за парушэнне нормаў паводзін ва Установе.

1.4. Правілы распрацоўваюцца да пачатку новага навучальнага года, ўзгадняюцца саветам Установы і зацвярджаюцца дырэктарам.

1.5. Змены і дапаўненні ў Правілы ўносяцца ў парадку, вызначаным падпунктам 1.4 сапраўдных Правілаў.

1.6. Правілы даводзяцца да ведама педагагічных работнікаў Установы на першым пасяджэнні педагагічнага савета або нарадзе пры дырэктару ў кожным новым навучальным годзе, да ўсіх навучэнцаў Установы – на першай класнай гадзіне новага навучальнага года, а да іх законных прадстаўнікоў – на першым бацькоўскім сходзе новага навучальнага года (пад роспіс).

1.7. Правілы распаўсюджваюцца на ўсіх навучэнцаў Установы.

1.8. Правілы размяшчаюцца ў даступным для агляду усімі ўдзельнікамі адукацыйнага працэсу месцы і на афіцыйным сайце Установы.

II. АСНОЎНЫЯ ПРАВЫ НАВУЧЭНЦАЎ

2. Навучэнцы маюць права на:

2.1. атрыманне адукацыі ў адпаведнасці з адукацыйнымі праграмамі агульнай сярэдняй адукацыі;

2.2. стварэнне спецыяльных умоў для атрымання адукацыі з улікам асаблівасцей іх псіхафізічнага развіцця;

2.3. атрыманне дадатковай адукацыі дзяцей і моладзі ў адпаведнасці з Кодэксам і ў парадку, які вызначаецца Палажэннем аб установе дадатковай адукацыі дзяцей і моладзі, зацверджаным пастановай Міністэрства адукацыі Рэспублікі Беларусь ад 25 ліпеня 2011 г. № 149;

2.4. павагу сваёй чалавечай годнасці, абарону ад прымянення фізічнага і (або) псіхічнага насілля, жорсткага, грубага або зневажальнага абыходжання, прыніжэння;

2.5. ахову жыцця і здароўя падчас адукацыйнага працэсу;

2.6. карыстанне падручнікамі (навучальнымі дапаможнікамі) у адпаведнасці з заканадаўствам;

2.7. бясплатнае карыстанне бібліятэкай, вучэбнай і спартыўнай базай Установы;

2.8. удзел у кіраванні Установай ў адпаведнасці з Статутам установы адукацыі (далей – Статут);

2.9. адпачынак на перапынках, арганізацыю дасугавай дзейнасці ў час канікул;

2.10. стварэнне спрыяльных умоў для самаадукацыі;

2.11. аб’ектыўную ацэнку ведаў;

2.12. захаванне месца ва Установе ў выпадку напраўлення для навучання і лячэння ў санаторную школу-інтэрнат;

2.13. навучанне на ўроках фізічнай культуры і здароўя ў адпаведнасці з групай здароўя;

2.14. наведванне стымулюючых і (або) падтрымліваючых заняткаў;

2.15. выбар факультатыўных заняткаў у межах устаноўленай вучэбным планам Установы колькасці гадзін факультатыўных заняткаў і з улікам максімальна дапушчальнай нагрузкі на аднаго вучня, згодна з спецыфічнымі санітарна-эпідэміялагічнымі патрабаваннямі да ўтрымання і эксплуатацыі устаноў адукацыі;

2.16. вывучэнне асобных вучэбных прадметаў на павышаным узроўні ў адпаведнасці з вучэбным планам Установы;

2.17. атрыманне платных паслуг з ліку, якія аказваюцца Установай;

2.18. атрыманне гарачага харчавання ў парадку, вызначаным заканадаўствам;

2.19. удзел у алімпіядах, конкурсах, турнірах, канферэнцыях і іншых адукацыйных мерапрыемствах, спартыўна-масавых, фізкультурна-аздараўленчых, іншых мерапрыемствах;

2.20. заахвочванне за поспехі ў вучэбнай, спартыўна-масавай, грамадскай, навуковай дзейнасці, а таксама ў адукацыйных мерапрыемствах;

2.21. атрыманне сацыяльна-педагагічнай падтрымкі і псіхалагічнай дапамогі;

2.22. удзел у дзіцячых, маладзёжных і іншых грамадскіх аб’яднаннях, дзейнасць якіх не супярэчыць заканадаўству Рэспублікі Беларусь;

2.23 удзел у органах вучнёўскага самакіравання ва Установе;

2.24. абарону ад любых супрацьпраўных дзеянняў;

2.25. недатыкальнасць асобы.

3. Іншыя правы навучэнцаў устанаўліваюцца Кодэксам, іншымі актамі заканадаўства, устаноўчымі дакументамі і іншымі лакальнымі нарматыўнымі прававымі актамі Установы.

III. АСНОЎНЫЯ АБАВЯЗКІ НАВУЧЭНЦАЎ

4. Навучэнцы абавязаны:

4.1. выконваць Статут, выконваць рашэнні савета Установы, іншых органаў самакіравання Установы, правілы, патрабаванні адміністрацыі і педагагічных работнікаў;

4.2. знаходзіцца ва Установе на працягу часу, прадугледжанага раскладам заняткаў (вучэбных, факультатыўных, аб’яднанняў па інтарэсах, іншых);

4.3. пакідаць тэрыторыю Установы падчас заняткаў толькі з дазволу класнага кіраўніка (дзяжурнага члена адміністрацыі);

4.4. добрасумленна і адказна ставіцца да засваення зместу вучэбных праграм па вучэбных прадметах, праграм выхавання, своечасова і якасна выконваць дамашнія заданні;

4.5. наведваць класныя і інфармацыйныя гадзіны;

4.6. удзельнічаць у мерапрыемствах грамадска карыснай працы;

4.7. вырашаць спрэчныя і канфліктныя пытанні на прынцыпах узаемнай павагі, з улікам меркавання ўсіх (іншых) удзельнікаў спрэчкі, пры неабходнасці звяртацца за дапамогай да настаўніка, класнага кіраўніка, педагога сацыяльнага, адміністрацыі Установы;

4.8. беражліва ставіцца да маёмасці Установы, падтрымліваць чысціню і парадак ва Установе і на яе тэрыторыі; беражліва ставіцца да энергарэсурсаў, берагчы цяпло, электрычнасць, ваду;

4.9. паважаць гонар і годнасць усіх удзельнікаў адукацыйнага працэсу, работнікаў Установы;

4.10. клапаціцца пра сваё здароўе, бяспеку і жыццё навакольных, імкнуцца да маральнага, духоўнага і фізічнага развіцця, самаўдасканалення;

4.11. неадкладна паведамляць настаўніку (класнаму кіраўніку) або дзяжурнаму настаўніку (члену адміністрацыі) аб атрыманні мікратраўмы, траўмы або пагаршэнні агульнага стану свайго здароўя на ўроках, занятках або пры правядзенні мерапрыемстваў (пазакласных, пазашкольных, спартыўна-масавых, грамадска карыснай працы);

4.12. загадзя (напярэдадні ці за некалькі дзён) паведамляць класнаму кіраўніку аб плануемым наведванні арганізацыі аховы здароўя; у экстранных (незапланаваных) выпадках адсутнасці на ўроках неадкладна паведамляць класнаму кіраўніку аб факце і прычыне сваёй адсутнасці;

4.13. размяшчаць прылады сувязі, інтэрнэт-сувязі перад пачаткам вучэбных заняткаў у спецыяльна адведзеных месцах;

4.14. прытрымлівацца дзелавога стылю адзення, выкарыстоўваць вопратку і абутак для заняткаў фізічнай культурай згодна з санітарнымі нормамі, спецыяльную вопратку на ўроках працоўнага навучання;

4.15. мець на ўроках неабходныя вучэбныя прыналежнасці;

4.16. мець акуратна і разборліва падпісаныя рабочыя сшыткі і сшыткі для кантрольных работ па прадметах;

4.17. акуратна і разборліва запісваць у дзённік расклад урокаў на тыдзень наперад, у канцы кожнага ўрока – дамашняе заданне;

4.18. штотыдзень здаваць дзённік на праверку класнаму кіраўніку;

4.19. прадастаўляць дзённік па першым патрабаванні педагагічнага работніка Установы;

4.20. выконваць правілы паводзін у бібліятэцы і правілы карыстання бібліятэчным фондам.

5. Навучэнцам ва Установе і на яе тэрыторыі катэгарычна забараняецца:

5.1. курыць, ужываць алкагольныя (слабаалкагольныя) напоі і піва, таксічныя і наркатычныя рэчывы, выкарыстоўваць нецэнзурныя выразы, спазняцца на вучэбныя заняткі без уважлівых прычын, наносіць шкоду маёмасці Установы і іншых асоб;

5.2. прыносіць агнястрэльную зброю любога віду, газавую зброю, боепрыпасы любога віду або выбуховыя рэчывы (альбо іх імітатары або муляжы), халодную зброю, колючыя, сякучыя, рэжучыя прадметы (альбо іх імітатары або муляжы), хімічныя, атрутныя, вогненебяспечныя рэчывы, тытунёвыя вырабы, электронныя сістэмы курэння, вадкасці для электронных сістэм курэння, сістэмы для спажывання тытуню, запалкі, запальніцы, алкагольныя, слабаалкагольныя напоі ці піва, наркатычныя сродкі, псіхатропныя рэчывы, іх прэкурсоры і аналагі, таксічныя або іншыя адурманьваючыя рэчывы і прэпараты, якія могуць нанесці шкоду маёмасці і здароўю навакольных, а таксама прыналежнасці для азартных гульняў;

5.3. парушаць дысцыпліну ў ходзе адукацыйнага працэсу, прымяняць фізічную сілу і абраджаць іншых яго ўдзельнікаў;

5.4. не выконваць патрабаванні педагагічных работнікаў;

5.5. прапускаць заняткі без уважлівых прычын і своечасовага інфармавання класнага кіраўніка або дзяжурнага адміністратара з наступным прад’яўленнем адпаведнага дакумента класнаму кіраўніку;

5.6. карыстацца прыладамі мабільнай сувязі, інтэрнэт-сувязі, музычнымі калонкамі, гульнявымі прыладамі падчас адукацыйнага працэсу без дазволу педагогаў;

5.7. прапагандаваць, захоўваць і распаўсюджваць з дапамогай мабільнай, інтэрнэт-сувязі інфармацыю, якая змяшчае жорсткасць, гвалт;

5.8. праводзіць здымкі падчас правядзення вучэбных заняткаў, факультатыўных заняткаў, класных гадзін, перапынкаў, пазакласных мерапрыемстваў без дазволу адміністрацыі, класнага кіраўніка, настаўніка-прадметніка;

5.9. размаўляць падчас вучэбных заняткаў, выкрыкваць нецэнзурныя словы і выразы, быць няўважлівым і адцягваць увагу іншых навучэнцаў, перашкаджаць правядзенню вучэбнага занятку;

5.10. ўжываць падчас вучэбных заняткаў ежу і напоі;

5.11. перасаджвацца за іншую парту без дазволу настаўніка;

5.12. у падручніках рабіць якія-небудзь запісы, маляваць, вырываць з іх старонкі;

5.13. падчас вучэбных заняткаў і перапынкаў паміж імі гуляць у азартныя гульні, праводзіць аперацыі спекулятыўнага характару;

5.14. пакідаць Установу да заканчэння вучэбных заняткаў без узгаднення з класным кіраўніком і (або) адміністрацыяй установы.

IV. ПАТРАБАВАННІ ДА ЗНЕШНЯГА ВЫГЛЯДУ НАВУЧЭНЦАЎ

6. Навучэнцы абавязаны прытрымлівацца дзелавога стылю адзення, прызначанага для наведвання імі вучэбных заняткаў.

7. Савет Установы мае права выбару мадэлі, колеру і якасці тканін, з якіх выраблена адзенне дзелавога стылю.

8. Адзенне дзелавога стылю ўключае вялікі выбар элементаў, якія можна камбінаваць (пінжак, камізэлька, кашуля, спадніца, штаны, сарафан, блуза, сукенка, гальштук і інш.

У зімовы час у камплект адзення могуць уваходзіць трыкатажны швэдар ці камізэлька.

9. Пры наведванні навучэнцамі вучэбных заняткаў не дапускаюцца:

спартыўная вопратка і абутак, прызначаныя для заняткаў фізічнай культурай і спортам;

рэчы, якія маюць яркія малюнкі;

бруднае, мятае (неахайнае) і іншая адзенне, не прызначанае для наведвання ўстановы адукацыі;

верхняе адзенне і галаўныя ўборы;

багатая біжутэрыя, наяўнасць пірсінгу, яркага экстравагантнага макіяжу і колеру валасоў, аксесуараў, якія адлюстроўваюць сімволіку музычных гуртоў і розных напрамкаў моладзевай субкультуры і спартыўных клубаў.

10. Спрэчныя пытанні, звязаныя з вонкавым выглядам навучэнца, вырашае адміністрацыя Установы.

V. ПАРАДАК НАВЕДВАННЯ НАВУЧЭНЦАМІ ВУЧЭБНЫХ ЗАНЯТКАЎ

11. Вучэбныя заняткі, класныя і інфармацыйныя гадзіны праводзяцца па раскладзе або ў адпаведнасці з графікам, зацверджаным кіраўніком Установы, і з’яўляюцца абавязковымі для наведвання ўсімі навучэнцамі.

12. У выпадку невыканання дамашняга задання па якой-небудзь прычыне, навучэнец у пачатку ўрока абавязаны паведаміць аб гэтым настаўніку.

13. Не пазней чым за 5 мінут да пачатку ўрока кожны навучэнец:

займае месца ў вучэбным кабінеце (класе), вызначанае класным кіраўніком;

рыхтуе неабходныя для працы на ўроку падручнікі і вучэбныя прыналежнасці;

ставіць на бясшумны рэжым прыладу мабільнай сувязі (інтэрнэт-сувязі), кладзе яго ў прызначанае для гэтага прыстасаванне (скрынку), якое можа знаходзіцца на асобным стале або стале настаўніка.

14. Пры ўваходзе настаўніка ў клас навучэнцы ўстаюць у знак прывітання.

15. Навучэнец, які спазніўся на ўрок, абавязаны растлумачыць настаўніку прычыну спазнення.

16. Падчас урока вучні ўважліва слухаюць тлумачэнні настаўніка і адказы іншых вучняў, не дапускаюць каментарыяў і рэплік з месца.

17. Пры адказе на пытанне настаўніка навучэнец ўстае. З дазволу настаўніка магчымы адказ седзячы.

18. Аб сваёй гатоўнасці да адказу альбо аб пытанні, якое ўзнікла ў ходзе тлумачэння настаўнікам матэрыялу, навучэнец інфарміруе, падымаючы руку.

19. Дапаўненні і выпраўленні адказаў іншых вучняў магчымыя толькі з дазволу настаўніка.

20. Падчас правядзення кантрольных і самастойных работ навучэнец выконвае іх самастойна. Дапамога іншых навучэнцаў не дапускаецца. Дазваляецца карыстацца толькі тымі матэрыяламі, якія пералічаны настаўнікам.

21. Выкананне патрабаванняў настаўніка на ўроку з’яўляецца для навучэнцаў абавязковым і безумоўным.

21.1. У выпадку, калі навучэнец не выконвае патрабаванні настаўніка, парушае дысцыпліну падчас урока, настаўнік інфарміруе пра гэта дзяжурнага адміністратара і навучэнец выдаляецца з урока ў суправаджэнні дзяжурнага адміністратара.

21.2. У выпадку, калі патрабаванні настаўніка парушаюць правы навучэнца, апошні можа праінфармаваць аб гэтым дзяжурнага адміністратара.

21.3. Дзяжурны адміністратар выклікае ва Установу законнага прадстаўніка навучэнца, а пры неабходнасці – супрацоўніка органа ўнутраных спраў.

21.4. Дзяжурны адміністратар пасля вывучэння сітуацыі мае права дазволіць вучню прысутнічаць на наступных уроках.

21.5. У выпадку, калі законны прадстаўнік не прыбывае ва Установу ў кароткія тэрміны, дзяжурны адміністратар мае права забраць навучэнца з любога наступнага ўрока для разбору па прыбыцці законнага прадстаўніка ва Установу. 

22. Падчас урока вучань павінен сачыць за сваёй паставай.

23. Званок аб заканчэнні ўрока даецца для інфармавання настаўніка і навучэнцаў аб заканчэнні занятку. Навучэнцы пакідаюць клас з дазволу настаўніка.

24. Для заняткаў на ўроках фізічнай культуры і здароўя навучэнцы пераапранаюцца ў спартыўную форму.

25. Па заканчэнні ўрока навучэнцы наводзяць парадак на працоўным месцы, забіраюць свае прылады мабільнай сувязі (інтэрнэт-сувязі).

26. У выпадку пропуску заняткаў па хваробе, навучэнец або законныя прадстаўнікі інфарміруюць класнага кіраўніка пра прычыну адсутнасці ў вуснай форме.

27. У дзень выхаду на заняткі навучэнец прад’яўляе тлумачэнні аб уважлівасці прычыны пропуску заняткаў.

Уважлівай прычынай лічыцца:

хвароба навучэнца, наведванне ўрача (прадастаўляецца адпаведная медыцынская дакументацыя);

экстранныя выпадкі ў сям’і, якія патрабуюць асабістага ўдзелу (пацвярджаюцца заявай законных прадстаўнікоў);

пропуск урокаў па дамоўленасці з адміністрацыяй (па пісьмовай заяве законных прадстаўнікоў);

удзел у прадметных алімпіядах, спаборніцтвах і іншых мерапрыемствах (вызначаецца загадам установы адукацыі).

28. У кожным класе прызначаецца ў адпаведнасці з графікам дзяжурны па класе, які падчас перапынку дапамагае настаўніку падрыхтаваць клас да ўрока: раздае навучальныя дапаможнікі і сшыткі навучэнцаў, дапамагае падрыхтаваць да ўрока іншыя вучэбна-метадычныя дапаможнікі.

V. ПАРАДАК ЗНАХОДЖАННЯ НАВУЧЭНЦАЎ НА ПЕРАПЫНКУ

29. Перапынак прызначаны:

для пераходу ў іншы кабінет (пры неабходнасці) у адпаведнасці з раскладам вучэбных заняткаў;

адпачынку і фізічнай размінкі;

прыняцця ежы;

праветрывання класа, для чаго вучням неабходна выйсці з класа;

падрыхтоўкі да ўрока.

30. Пры руху па калідорах, лесвіцах, праходах навучэнцам неабходна прытрымлівацца правага боку.

31. Падчас перапынкаў навучэнцам забараняецца:

шумець, перашкаджаць адпачываць іншым, бегаць па лесвіцах, паблізу аконных праёмаў і ў іншых месцах, не прыстасаваных для гульняў;

штурхаць адзін аднаго, кідацца прадметамі і прымяняць фізічную сілу для вырашэння любога роду канфліктных сітуацый;

катацца ва Установе і на яе тэрыторыі на веласіпедах, самакатах і іншых сродках перамяшчэння;

ужываць непрыстойныя выразы і жэсты ў адрас іншых навучэнцаў, іншых асоб, запалохваць, займацца вымагальніцтвам. Парушэнне дадзенага пункта цягне за сабой прымяненне мер, прадугледжаных заканадаўствам Рэспублікі Беларусь.

VI. МЕСЦЫ МАСАВАГА ЗНАХОДЖАННЯ

Сталовая

32. У сталовую навучэнцы ходзяць арганізавана, у суправаджэнні настаўніка, які праводзіў урок.

33. Навучэнцы выконваюць правілы гігіены: ўваходзяць у памяшканне сталовай без верхняй вопраткі, мыюць рукі перад ежай.

34. Навучэнцы праяўляюць увагу і асцярожнасць пры атрыманні і ўжыванні гарачых і вадкіх страў.

35. Ужываць стравы, напоі, прадукты харчавання, набытыя ў сталовай, прынесеныя з сабой, дазваляецца толькі ў сталовай. Падчас прыёму ежы навучэнцы павінны выконваць культуру харчавання.

36. Кожны навучэнец прыбірае за сабой сталовыя прыналежнасці і посуд у спецыяльна адведзеныя месцы.

Трэнажорная зала

37. Заняткі ў трэнажорнай зале арганізуюцца ў адпаведнасці з раскладам яго працы.

38. Забараняецца знаходзіцца ў трэнажорнай зале без настаўніка, іншага педагагічнага работніка.

Санітарныя пакоі

40. Пры карыстанні санітарнымі пакоямі навучэнцы павінны выконваць чысціню і парадак, правілы асабістай гігіены.

41. Забараняецца затрымлівацца ў санітарным пакоі без патрэбы, а таксама смяціць, курыць, прымаць ежу, напоі, кідаць у ракавіны і ўнітазы староннія прадметы.

Гардэроб

42. Па заканчэнні заняткаў (вучэбных, факультатыўных, стымулюючых, падтрымліваючых, аб’яднанняў па інтарэсах), пазакласных мерапрыемстваў навучэнцы ідуць у гардэроб. Навучэнцы ў парадку чарговасці забіраюць сваю вопратку, выконваючы парадак і меры бяспекі.

43. У выпадку выяўлення згубы адзення, навучэнец абавязаны паведаміць аб тым, што здарылася, класнаму кіраўніку або дзяжурнаму адміністратару.

44. Навучэнцы не пакідаюць у кішэнях верхняга адзення ключы ад дома, грошы, прылады сувязі (інтэрнэт-сувязі) іншыя каштоўныя рэчы.

45. У выпадку выяўлення пакінутых і (або) забытых кімсьці ў гардэробе рэчаў навучэнцы перадаюць іх вахцёру або дзяжурнаму настаўніку.

VII. ПАРАДАК НАВЕДВАННЯ НАВУЧЭНЦАМІ МЕРАПРЫЕМСТВАЎ У ПАЗАВУЧЭБНЫ ЧАС

46. Навучэнцам забараняецца спазняцца на мерапрыемствы, якія праводзяцца ў пазавучэбны час.

47. Прысутнасць на мерапрыемствах, якія праводзяцца ў пазавучэбны час ва Установе, асоб, якія не навучаюцца ва Установе, дапушчальна толькі з дазволу адказнага за правядзенне мерапрыемства (намесніка дырэктара па вучэбна-выхаваўчай рабоце, дзяжурнага адміністратара).

48. Навучэнцы, прысутныя на мерапрыемствах, якія праводзяцца ў пазавучэбны час ва Установе, і асобы, якія не навучаюцца ва Установе, дапушчаныя да ўдзелу ў мерапрыемстве, павінны мець ахайны знешні выгляд, адпаведны ўзросту макіяж.

49. Не дазваляецца прысутнасць у верхняй вопратцы і галаўных уборах на мерапрыемствах, якія праводзяцца ў памяшканнях Установы.  

50. Прыход і адыход з мерапрыемства ажыццяўляецца арганізавана, у парадку, устаноўленым адказным за правядзенне мерапрыемства.

51. Навучэнцы абавязаны выконваць інструкцыі аб мерах бяспекі для навучэнцаў, прадугледжаныя для канкрэтнага мерапрыемства, і выконваць у поўным аб’ёме патрабаванні адказнага за правядзенне мерапрыемства.

52. Да ўдзелу ў спартыўных спаборніцтвах навучэнцы дапускаюцца з дазволу ўрача, да турыстычных паходаў – з дазволу медыцынскага работніка.

53. Грамадска карысная праца навучэнцаў у пазаўрочны час праводзіцца не раней чым праз 30 мінут пасля заканчэння ўрокаў. Працягласць грамадска карыснай працы і віды работ ўсталёўваюцца Санітарнымі нормамі, правіламі і гігіенічнымі нарматывамі.

VIII. ЗААХВОЧВАННЕ І ДЫСЦЫПЛІНАРНАЯ АДКАЗНАСЦЬ НАВУЧЭНЦАЎ

54. У якасці заахвочвання да навучэнцаў могуць прымяняцца наступныя меры:

аб’ява падзякі;

ўзнагароджанне граматай;

узнагароджанне каштоўным падарункам;

напісанне ліста падзякі законным прадстаўнікам.

Заахвочванне аб’яўляецца загадам дырэктара. Выпіска з загаду захоўваецца у асабістай справе навучэнца.

55. За здзяйсненне навучэнцам дысцыплінарнай правіны (у тым ліку неаднаразовае парушэнне Статута і Правілаў) устанаўліваецца дысцыплінарная адказнасць, якая выяўляецца ў прымяненні да яго наступных мер дысцыплінарнага спагнання:

заўвага;

вымова;

адлічэнне.

56. Адлічэнне як мера дысцыплінарнай адказнасці можа быць прыменена да вучня III ступені агульнай сярэдняй адукацыі.

57. Права выбару меры дысцыплінарнага спагнання належыць дырэктару Установы.

58. Звесткі аб прымяненні меры дысцыплінарнага спагнання даводзяцца да законных прадстаўнікоў непаўналетняга навучэнца.

IX. ПРАВІЛЫ КАРЫСТАННЯ ПРЫЛАДАМІ МАБІЛЬНАЙ СУВЯЗІ (ІНТЭРНЭТ-СУВЯЗІ)

59. У будынку Установы навучэнцы абавязаны ставіць прылады мабільнай сувязі (інтэрнэт-сувязі) у рэжым вібравыкліку або бясшумны рэжым.

60. У час правядзення вучэбных, факультатыўных, стымулюючых, падтрымліваючых заняткаў, заняткаў у аб’яднаннях па інтарэсах, пазакласных мерапрыемстваў прылады мабільнай сувязі (інтэрнэт-сувязі) павінны знаходзіцца ў прызначаным прыстасаванні (скрынцы) у стане бясшумнага рэжыму.

61. Карыстацца прыладай мабільнай сувязі (інтэрнэт-сувязі) падчас вучэбных, факультатыўных, стымулюючых, падтрымліваючых заняткаў, заняткаў у аб’яднаннях па інтарэсах, пазакласных мерапрыемстваў можна толькі з дазволу настаўніка.

62. Карыстацца прыладай мабільнай сувязі (інтэрнэт-сувязі) ва Установе на перапынках паміж заняткамі (тэлефанаваць, адпраўляць паведамленні) навучэнцам дазволена выключна для аператыўнай сувязі з бацькамі (законнымі прадстаўнікамі), братамі (сёстрамі), іншымі блізкімі сваякамі толькі ў выпадках неадкладнай неабходнасці.

63. У выпадку аднаразовага парушэння правілаў карыстання прыладамі мабільнай сувязі (інтэрнэт-сувязі), навучэнец павінен напісаць тлумачальную запіску з указаннем прычыны парушэння сапраўдных Правілаў. Класным кіраўніком (настаўнікам) вучня робіцца запіс у дзённік.

64. Пры паўторным факце парушэння правілаў карыстання прыладамі мабільнай сувязі (інтэрнэт-сувязі) ажыццяўляецца канфіскацыя тэлефона ў навучэнца. Ва Установу запрашаюцца бацькі (законныя прадстаўнікі), і пасля гутаркі з дырэктарам (членам адміністрацыі) ім вяртаецца прылада мабільнай сувязі (інтэрнэт-сувязі). На навучэнца накладаецца спагнанне, вызначанае дырэктарам Установы.

Комментарии:
Оставлять комментарии могут только авторизованные посетители.